اهم الأخبار:

مقالات

أبانوب مرجان يكتب : مصر هي أختي ...!

حريتنا - أبانوب مرجان يكتب : مصر هي أختي ...!

 

مالك يامعلم ..؟.

مفيش زهقت من أم البلد دي ...!.

 أكتر كلمة ممكن تسمعها من أولي ثانوي لرابعة جامعة، الكل نفسه يهاجر، الشباب مش لاقي نفسه، والبلد مش أحسن حاجة، ولأن إحنا شعب بيعشق الهروب، فهب يالا علي برة.

وكأن بره ده الجنة، و إحنا مش واخدين بالنا، يعني لما تتحاسب وتطلع تمام تدخل جنة هولندا ولا ألمانيا ولا أمريكا، حلم زي الشقة والعربية ويمكن أكتر كمان.

تسأل ليه..! يقولك أصل أنا مش مرتاح ..!.

وهو إنت إمتي يا ضنايا كنت مرتاح ..؟.؛ شفت الراحة فين قبل كدة..!!.

والسؤال الأهم؛ عملت أيه ليها قبل ماتمشي ؟.

يعني هي لما تعوز تفتكرك تفتكرك بأيه ...؟!.  

فيها أيه يعني لما بتوع بلاد برة يكونوا أحسن مننا .. أيه الجديد ؟! .. تكلم واحد يقولك أصلهم أنضف..

طب ماهما أنضف مننا في الموسيقي، والكرة، والسينما، والسياسة، والطب، وكل حاجة ..

عملت أيه إنت عشان تبقي نضيف زيهم !.. أشتغلت مثلاً ؟!، البلد مش مسعداك .. طب ماهي ماكنتش مساعدة أبوك و أبويا ..عاشوا إزاي ؟! ليه عايز تهرب ليه بتحب تخونها؟! ..

طب إنت ترضاها، حببتك لو مش مرتاحة معاك تروح لغيرك..!. بتوجع أوي صح !.  

خليك هنا خليك علي رأي الفنانة شادية .. بلدك محتاجاك .. أمك وأختك و أهلك وناسك و حببتك و طموحك كل دول جمب منك.

بلاش تنسي إنك بجنيه تعرف تجيب طعمية مشطشطة و تشبع .

هنا هتعرف تميل علي ده و ده .. هناك الغلطة بفورة ..

فيها أيه يعني البلد مش كويسة و خنقاك .. يعني هو أبوك عمره ماخنقك ..؟، أمك دمها مكنش تقيل معاك فترات؟! ..

ليه دايمًا بقينا عايزين نثبت نظرية "الجمدان"، و خلاص .. قالك هسافر .. هي مش واقفة عليك علي قد ماهي محتاجاك .. أفكارك و طموحك .. و فشلك كمان ..

لو مش حاسس البلد محترماك .. إجبرها إنت علي إحترامها ليك، خليها تعرف إن إنت إبنها الوحيد، اللي هيشلها لما تعْجز، لو هي مش عايزة تشوف حل واجها إنت، ودور علي الحل بالعافية ..

البلد دي محتاجة الستر ..  أستر عليها و بلاش تفضحها..

ومش هقولك إمشي بمبدأ مصر هي أمي ..

لأننا مابقناش نحترم أمنا اللي بجد مابالك. مصر ..!!  

هقولك إعتبرها أختك .. خليك راجل و دافع عنها .. وإمشي قول مش هسيبها أصل مصر هي أختي ..!.

 

 

مفردات نظرية "الجمدان" : إن أنت تبقى جامد بس .

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا
المصدر : نقلًا عن وكالات أنباء

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )