اهم الأخبار:

مقالات

أبانوب مرجان يكتب : علي الأصل دور ....

حريتنا - أبانوب مرجان يكتب : علي الأصل دور ....

زمان وأنا صغير كانت دي أكتر كلمة بسمعها بعد كلمة يابني قوم ذاكر، ولأن أمي الله يمسيها بالخير دايمًا بتخاف علي مصلحتي فكانت علي طول تقولي الكلمة دي، وأنا كعادة أي شاب مصري منفض و ودن من طين  وودن من عجين، وزي برضه عادة أي شاب مصري دلوقتي ندمان علي كل كلمة أنا كنت منفض فيها لأهلي.

بقالي فترة كل ما أقابل حد متجوز وأسأله يرد بكل سرعة و يقولي : أوعي تتجوز ..!

كأنه بيحزرني من لا سمح الله حاجة مش ولا بد و تقابل أي حد و تسأله عن الجواز يرد وهو عنيه في الأرض كده و كأنه عامل عامله.

الغريب بقي طب أتجوزتوا من الأول ليه ؟ و الأغرب إزاي أبويا و أمي مانفصلوش لحد دلوقتي ...؟

حاجات بتخليك عمال تسأل هل العيب فينا ولا في الزمن ؟ هل فعلاً الحب هو اللي غلط ولا زي ماقالت أم كلثوم العيب فيكم يا في حبايبكم .!

قعدت كتير أفكر و اكتشفت إن فعلا العيب فينا إحنا، لأن الحب "الجواز" من أحسن الحاجات اللي ممكن تحصل للإنسان بس إحنا اللي شوهناها و دوسنا عليها  لدرجة إني كل ما أقول أنا هتجوز يقولولي ماتجيب كلب أحسن، وكأن الجواز حاجة كده مالهاش لازمة ...

المهم اكتشفت كمان أن إحنا عندنا مشكلة كبيرة قوي في الاختيار  وده بسبب الأهل  أو ظروف البلد أو أي حاجه، يعني لازم أتجوز واحدة مش بس تعجبني أنا بس  ده لازم تعجب بابا و ماما و أخواتي و ولاد عمي و خالاتي و البواب و البقال و كل اللي أعرفهم.

كمان لازم العريس يكون معاه عربية و شقة أكبر من شقة بنت خالة العروسة، وياسلام بقي لو أمور أو باباه عنده شركة  حاجة كدة من اللي هي تظلم التخلف معاها.

فعلاً عندنا مشكلة في الأختيار عشان كدة حاولت أكتبلكم دليل الأحتيار :

بصي يا بنت الحلال  حرام تتعبي نفسك و تتجوزي جوازة مش ولا بد، إتجوزي جوازة تدوقي فيها طعم الراحة، الشكل بيتغير والعربية هتبوظ  أختاري اللي يحبك مش اللي معجب بيكي و اللي مهتم بيكي و يقولك يا ماما، اللي عاش عمره كله بيثبتلك إنه بيحبك بكل الطرق اللي طاقة حبه دايمًا متجددة، اللي مابيزهقش منك و دايماً عايزك جنبه، اللي لما بتكلميه يسيب الدنيا و يرد عليكي، اللي يقول أنه مرتبط بيكي مش متصاحبين، اللي يعلي قيمتك مش يتجاهلك، اللي مركز معاكي لابسه أيه ولون مانكيرك أيه، اللي يغير عليكي من الهوا قبل البني آدمين.

اللي يكون ليكي أب و أخ وكمان زوج، اللي تترمي في حضنه وأنتي مرتاحة ومش خايفه من حاجة، اللي لما تكحي يقوم يجبلك مية و يتخض عليكي مش يطبطب وخلاص، اللي كنتي حلم بالنسبة له و دلوقتي بين إيديه، اللي ما تتكسفيش منه وتكوني علي راحتك معاه، اللي يحسسك إنك امه و في نفس الوقت مسؤله منه، اللي لما يزعلك يتجنن عشان يصالحك، اللي يحس بتوهه أول ما تبعدي عنه، اللي مقدر تفاصيلك وواخد باله من أهم الحاجات، إتجوزي واحد حبك وكنتي حب عمره مش إشتغاله.

أما بقي بالنسبه للولاد :

بص يامعلم أتجوز اللي تشوف فيها أمك اللي تحسسك بالأمان وتعرف تصون أيامك  وتشيل عيالك في غيابك.

عيشوا اللي يفرحكم في كل حاجة و ماتنسوش إن الجواز مرة واحدة بس . 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )