اهم الأخبار:

مقالات

آية تاج الدين تكتب:"التحرش..الحل عندك"

حريتنا - آية تاج الدين تكتب:"التحرش..الحل عندك"

 

ماشية في حالك في الشارع، لقيتي حد عمال يقرب من المحيط بتاعك، يقرب أكتر بدأتي تحسي بخوف ورعب من جواكي، تبصي حوليكي في كل الاتجاهات، تصرخي فيخاف ويجري.

موقف يعتبر جزء من يوم كل امرأة مهما كان سنها أو مستواها الإجتماعي، ومهما كان شكلها، أو لبسها ايه، بتخاف تحكي لأقرب ناس ليها وتقول :"أنا حد حاول يتحرش بيا"، لأنها عارفة كويس هيكون الرد أيه:"حصلك كدا إزاي، كنتي لابسة أيه، كنتي ماشية إزاي، كنتي بتتكلمي إزاي، أكيد أنتي الغلطانة".

دائما بيكون اللوم على المجني عليها في المواقف دي، وبشكل أخص في مجتمعنا، بس لو السبب فعلًا لبس البنات، ليه الدول الأوروبية مش زايد فيها نسبة التحرش زينا، مع العلم أنهم بيبينوا جسمهم عكس عندنا، طب ليه المنتقبة بتتعرض لتحرش؟!، لو السبب الظروف الصعبة وقلة الجواز  "أبو العيال" بيتحرش ليه؟!، الطفل بيتحرش ليه ؟!.

يبقى مش السبب اللبس أو الجواز أو أي حاجة تانية، السبب أن مجتمعنا دائمًا شايف أن الراجل ممكن يعمل اللي هو عايزه من غير ما حد يوجهله أي لوم، ودا دائمًا بيكون تحت شعار"هو ولد وأنتي بنت"،وعشان كدا مادام مُجتمعنا أخلاقه أتغيرت  ومازال بيلقي اللوم على البنت حتى لو هي الي مش غلطانة، ولحد ما المجتمع يتقدم ويبقى أحسن، لازم نواجه التحرش.

التحرش مش بس أن حد حاول يلمس واحدة، التحرش ممكن يبقى نظرة، أو كلمة، ومادام الأم والبنت والطفلة بيتعرضوا للتحرش يوميًا، مهما اختلفت الثقافة أو البيئة، يبقى لازم حل.

والحل عندك مش عند حد تاني، لو فضلتي تعيطي وتخافي تخرجي من البيت عشان خايفة حد يتحرش بيكي، تأكدي أن هيحصلك دا كل يوم، وهيفضل يأثر على حياتك وثقتك بنفسك.

لازم تصرخي بأعلى صوت وتقولي" أنا رافضة يحصلي دا"، المواجهة وعدم السكوت في البداية هيبقى صعب، بس مع أول موقف تخدي ضد التحرش، تأكدي أنك هتحسي بإحساس مختلف،إحساس أنك مش ضعيفة وهتلاحظي أن بقي يقل تعرضك ليه بشكل نسبي، لأن ببساطة أنتي اللي في مركز قوة مش هو، لانو بيبقى جواه خايف وهو بيعمل كدا وخايف من ردة فعلك، لو سكتي هيتمادا، بس لو تخدي موقف هيفكر ألف مرة قبل ما يعمل كدا تاني.

 ابدأي من النهاردة وقولي لنفسك" أنا مش هخاف، مش هعيط، أنا من انهاردة هواجه"، خليكي قُدوة للي لسة خايفة، ابدأي وخدي خطوة لأقدام هتلاقي كتير وراكي.                        

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا
المصدر : خاص- حريتنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )