اهم الأخبار:

مقالات

أبانوب مرجان.. يكتب : الصراع

حريتنا -  أبانوب مرجان.. يكتب : الصراع

في واقع الأمر ممكن تكون دي أكتر كلمة موجودة في حياتنا.. بس احنا مش واخدين بالنا.. أو احنا اللي عاملين مش واخدين بالنا.. لأان أنت لو دورت هتلاقي أن كل حاجه جواك فيها صراع.. كل تفصيلة من تفاصيل حياتك عايشة صراع.. وساكتة وراضية بحاله.

الصراع ده حقيقة ولازم كلنا نعترف بيها.. لازم كلنا نحترمها.. ويتحول الموضوع لمواجهة.. وحقيقة وتشوف هل الصراع ده نهايته ايه؟

الصراع: هو الحاجة اللي دايرة جوه منك.. الخناقة اللي شغاله جوه قلبك.. الصدام اللي حاصل ما بين طموحك وأحلامك.. أو حالة الملل اللي تتناسب طرديا مع الطاقه اللي عندك.

أنواع الصراع

صراع متعايش: ودي حاجة دايمة على طول.. اتحولت إلى سمة أو أسلوب حياة.. حاجة كده عاملة زي بقعة الخوف اللي نزلت على قميص قلبك.. أو شوية الضباب اللي عكننوا على نسيم حياتك.

 صراع العشاق: السبب الرئيسي هو الشوق.. حد نفسه يكلم حد بس الظروف كتبت عليهم أنه لأ.. يبقي فاضي من جواه.. وحاسس أوي بالبرد.. ومحتاج للدفى.. بس كرامته  وعزة نفسه كالعادة بتقوله لأ.

إحساسه بالجوع من ناحيتها بعد الشبع.. مخليه عايش في صراع.

صراع المشاعر: تبقى انت متعود تحب.. ماشي بطاقة حب.. واضحة وصريحة بس اللي حواليك كره وضغينه أو أي حاجة من هذا القبيل.. تعيش في صراع امشي مع منهج الدنيا ولا مع منهجي؟

صراع الظروف: حاجات بتخبط فيك من غير ماتدرى.. شبح اتكتب علينا.. اسمه شبح الظروف والأوقات اللي بتفهم اللي مش فاهمين..  لو استسلمت له هتتخنق من نفسك.. وتحاول تقوم بس مش عارف.. وتجدد من نفسك و تلبس ماركة.. وتبقى شيك.. وتكتشف إن ده مش لايق عليك بسبب الصراع.

 صراع التفاصيل: شوية التكات اللي بسببها ممكن يتقلب الحال.. الحاجات اللي ممكن تخلي دماغك تودي و تجيب.. الأسئلة اللي إجابتها ممكن تودي في داهية.. وعاملة صراع.

.. الصراع حاجه ما بتخلصش لعبة والجيم فيها مفتوح والقرار والدنيا عندك.. ياتعافر يا تكابر

انت اللي في إيدك طرف الخيط وبضحكتك تعرف تفتح شباك البيت.


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )