اهم الأخبار:

مقالات

أبانوب مرجان يكتب : الحب في سنة 2015

حريتنا - أبانوب مرجان يكتب : الحب في سنة 2015

بسبب إن كل حاجة في حياتنا اتغيرت وبقت ماشية على الموضة، الحب كمان اتغير وبقى ماشي هو كمان عالموضة.

زمان كنا نسمع إن اللي قبلينا عايشين بسبب الحب وإنه كان أحسن حاجة وهو سبب فرحتهم، وهو اللي مخليهم عايشين لحد دلوقتي، لكن الحب أتغير أو تقدر تقول إنه مافيش!

الحب عشان يعيش لازم يكون في استمرارية، لازم يكون عايش حياة التجديد، ولازم يمشي في سكة البذل .. أيوة البذل.

تبذل نفسك عشانه، تضحي بكل تفصيله في تفاصيلك عشان تشوف فرحة بتجري جوة عينه، تعمل كل الحاجات اللي تخليه عايش مبسوط، يصحى من نومه فرحان لأنه واثق انك موجود...

كلام غريب مش كده ؟ فواقع الأمر هو مش غريب، أنت اللي مش حاسه، أنت اللي غريب، وأنت اللي عندك مشكلة في الإدراك مش هو اللي عنده مشكلة في الأسلوب، لأن في الواقع مافيش حاجة أسمها حب.

الحب هو لفظ مش أكثر، الحب مجرد كلمة حتفضل طول عمرها محتفظة بإنها كلمة طالما ما تحولتش لفعل، ومش بس فعل، لأ ده اثبات للفعل.

الحب فعل مش مجرد قواله وحبة أحاسيس داخله جوه شوية مشاعر، الحب لازم يكون طالع مع كل دقة طالعة من قلبك، لأن أنت لو قررت إنك تحب، لازم تخلي حبيبك يجري جوة اأدرينالين أيامك.

في واقع الأمر ده مش بيبقى مجرد وقت أو فترة وهتعدي، لأن ده ما كانش حب، ده كان تعود منتحل صفة الحب، عشان الحب هو لازم يكون ضمان ويكون كل حاجة مضادة لحالة الوحدة اللي عايشها قلبك، لأنك لازم توصل لمرحلة إنك تحسسه بالأمان اللي يخليه يسأل وهو مستغرب "هو بيحبني كده ليه؟" ويكتشف إن رغم نظرته للي أنت بتعمله، بس هو اتأكد انك بتحبه عشان لازم تحبه، لأنك مش بتعمل جميله في انك بتحبه أو إنك جنبه، هو لازم يعرف انك مش بتحبه، أنت بتحب تحبه.

حب يعني شغل، تعب، يعني شريط هيمشي عليه قطر أحلامك، لأنه بالبلدي ومن الآخر الحب اجتهاد مش Take Care Ya Baby.

لأن كمان الرجولة مش في انك تعديها الشارع، الرجولة انك تعديها كل مرحلة صعبة هي فيها، عشان تحس انها مميزة في عين ربنا وعينيك، ساعتها حتقدر تذوق طعم الحب مش بس تحكي عنه.

الحب لازم يكون فيه حبة تنازلات، لأن في حد قرر إنه يحب وإنه يشوف عمق جمال اللي قدامه، ويخليك دايما مسؤول في عينيه.

حبوا الحب الصح، الحب اللي يخليكوا عايشين مرتاحين، حب البني آدمه اللي هتعرف تسيب ولادك معاها.

حبي البني آدم اللي حيعرف يدوقك طعم الأمان.

 

سيبكوا من كل اللي بيحصل اليومين دول، لأن ببساطة ناس كتير شوهت معنى الكلمة، وجم على كرامة الحب وبعدوا عن الله. لأن ببساطة اللي ما بيعرفش يحب ما يعرفش الله ... لأن الله محبة.


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )