اهم الأخبار:

مقالات

إسراء أبو بكر: بمناسبة اليوم العالمي للمرأة وكده "smile emoticon "

حريتنا - إسراء أبو بكر: بمناسبة اليوم العالمي للمرأة وكده "smile emoticon  "

 

أحب أقول إن الراجل راجل.. والست ست ..، شايفاك ياللي انشكحت أوي هناك، أنا مقصدش على فكرة خالص موضوع إن الست يبقى مكانها البيت وينحصر دورها في الطبيخ والتنظيف، ولا هقول بقى إنها بتتعلم عشان تشتغل وتثبت نفسها ويبقى ليها دور والهري ده ..

عشان ده أمر مفروغ منه عشان أنا مش ناويه أدخل في مهاترات مع حد لسه بيفكر، وإحنا في 2015، إن الست مكانها البيت، وقمة التناقض بقى إنه بيعجب جدًا بالست اللي بتشتغل بس مايرتبطش بيها .. تقريبًا بتبقى بعبع بالنسباله، ولو إنتي بقى اللي وافقتي بكده فدي بقى مشكلة حضرتك ومترجعيش تعيطي وتشتكي منه ماشي والناس اللي بتقلل من قيمة الست سواء ستات أو رجالة .. ( آه والله في ستات بتقلل من قيمة نفسها ) ما سألوش نفسهم ليه بيحتفلوا بالمرأة والراجل لأ .. لأن الست تختلف عن الراجل فسيولوجيا وبيولوجيا .. فهي أكتر كائن حساس على وجه الأرض،ـ وكفاية التعب اللي بتتعبه طول حياتها في تحمل المسؤولية بداية من مسؤولية نفسها اللي لو حصلها أي حاجه هي اللي بتتلام مش الطرف الآخر وطبعًا تعبها كل شهر اللي محدش بيقدروا مزاجها المتقلب ونفسيتها فرفقا بها.

أنا لما قولت الست ست والراجل راجل كنت أقصد أن حقوقنا واحده .. بس ده ميمنعش إن الأنثى تظل مدلله وإنك تحترمها وتقدرها وتدعمها معنويا وخليك ذوق معاها في المواصلات ما تزاحمش مثلًا معاها وتبجح فيها وتقولها مش انتوا اللي عاوزين تساووا بينا.. إيه علاقة المساواة بقلة الذوق خليك راجل.  في النهاية أحب أقول كل سنة وسيدات الأرض بخي" smile emoticon" J.

 على فكرة أنا كاتبة المقالة دي كلها عشان الجزء بتاع ، ماتزحمهاش في المواصلات ..

 

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا
المصدر : حريتنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )