اهم الأخبار:

آكتب

اطفي تليفونك .. وارفع عينك.. (بقلم| أندرو مرجان )

حريتنا - اطفي تليفونك .. وارفع عينك.. (بقلم| أندرو مرجان )

 

الفيس بوك، وتويتر، والواتس آب .. السوشيال ميديا بشكل عام حلوة ومُفيدة جداً .. بس ليها عيوب .. للأسف إحنا البني آدمين إستغلينا السوشيال ميديا غلط والحقيقة أنه مش السوشيال ميديا بس اللي إستغلناها غلط ..

في حاجات كتير إستغلناها غلط .. بس لو قعدنا نتكلم عليها لحد بكرة مش هنخَلص !! الفيس بوك أو تويتر في العادي هو يا إما "وسيلة ترفيه" أو "وسيلة إتصال" أو "وسيلة أخبار" .. ده العادي لكن الإنسان بقي بيستعمل الفيس بوك أو تويتر كوسيلة زيه زي "المخدرات"

 أيوة زيه زي "المخدرات" بعض الناس لو عدى عليهم يومين من غير إنترنت عشان الباقة خلصت أو مدفعوش إشتراك الراوتر بتلاقيهم بيهرشوا ومش طايقين نفسهم وأشبهوا بالمُدمنين اللي مش لاقيين كيفُهم !!

طبعاً ده بيسبب إضطراب نفسي وكسل وإحباط من اللي جاي وإنفصام في الشخصية !! إضطراب نفسي لما بيشوف عالم علي السوشيال ميديا ويتربي علي هذا العالم ويكبر فيصطدم بعالم تاني خالص !! وكسل عشان شايف أنه كل حاجة سهلة ومتاحة من خلال زر، الحاجة دي ممكن تكون كتاب عايز يقراه أو معلومة عايز يعرفها أو كلام عايز يقوله من خلال الpost أو مشاركة اصحابه لصورة !!

 إحباط لما بيشوف المعلومات الخاطئة أو فتاوي الناس اللي عاملين فيها علماء !! وانفصام في الشخصية عشان عايز يبين للناس كلها أنه سعيد وفي موود كويس جداً وده بكلامه وصوره لكن الحقيقة بتبقي غير كدة خالص !! الإدمان للسوشيال ميديا زاد.

هناك دراسة أجرتها جامعة هونغ كونغ وكانت بتقول فيها إن إدمان الإنترنت والسوشيال ميديا ازداد بشكل ملحوظ في السنة اللي فاتت وبلغ عدد مُدمني الإنترنت والسوشيال ميديا 420 مليون مُستخدم وده بيُعادل 6% من سكان العالم !! ممكن الناس تشوف إن النسبة صغيرة لكن لما تعرف إن النسبة دي تلات أضعاف مُدمني القُمار في العالم أكيد هتستغرب وتحس أنه فعلاً إحنا في كارثة ..

مش بس كدة دي الدراسة أكدت إن مُعدل مُدمني الإنترنت والسوشيال ميديا هيزيد في السنوات اللي جاية وهيبقي خارج السيطرة !! وطبعاً ده كله كوم وإن الداتا بتعتك بتبقي منتشرة عند أشخاص تانية ده كوم تاني !! سنك وشغلك وعنوانك وعنوان شغلك وطريقة تفكيرك وخططك اللي جاية وزعلان من إيه وفرحان من إيه ده كله بيكون عند أشخاص تانيين .. ومش أشخاص بس ده ممكن يكون عند دول بعينهم كمان !!

بلاش تبوحوا بكل معلوماتكم الشخصية علي مواقع التواصل الاجتماعي .. أرجوكم !!! الإنترنت بوجه عام مُفيد إنه يغير العالم ويساعد علي التطوير الاجتماعي والعلمي وتطوير طرق البحث بس الأزمة والكارثة إن إحنا بعدنا عن هذه الأشياء وبقينا بنستعمل الإنترنت "الفيس بوك أو تويتر" في مين قال إيه ومين عمل إيه !! احسنوا استخدام السوشيال ميديا .. لو خايف علي بيتك وأهلك وعيالك ونفسك .. قلل من استخدامك للسوشيال ميديا ..

 

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )