اهم الأخبار:

آكتب

نور المصري يكتب : زمن الأحلام

حريتنا - نور المصري يكتب  :  زمن الأحلام

 

الحلم .. هو صورة في خيالنا بنرسمها ونلونها ونشكلها وبعديها بنتمنى من ربنا إنه يحققهلنا على أرض الواقع.

وطبعا باختلاف الأفكار والمعتقدات والقيم والمواهب بيختلف الحلم من شخص للتاني.

ولد حلمه يبقى لاعب كرة كبير وبيلعب في أحسن النوادي في العالم...

بنت نفسها تبقى مذيعة مشهورة في أكبر القنوات العالمية وتحاور أكبر الشخصيات بكل قوة...

ولد حلمه إنه يغني على أكبر مسارح في العالم، وينافس أقوى المطربين وياخد جوايز عالمية كتييير..

بنت نفسها تبقى أكبر مصممة ملابس في العالم وتعمل تصميمات لأكبر فنانين العالم...

دول أمثلة من ملايين بيحلموا وبيسعوا عشان يوصلوا لحلمهم بس الحقيقة، أن مع اختلاف أحلامهم إلا إن في حلم مشترك ما بينهم وهو الحب...

مع التنويه إن مش كل الناس عندها القدرة على الحب...

أي ولد وأي بنت بيحلموا بحد يحبهم أوي يخلصلهم أوي ويبقى مستعد يبيع الدنيا كلها عشان خاطرهم...

الولد بيحلم بالبنت اللي تبقى أم أولاده بجد وتخاف على زعله وتشيل خاطره وتبقى جنبه دايمًا وسانداه ومعاه في حلمه دايمًا وتكون مش شايفه غيره في الدنيا...

والبنت بتحلم بالولد اللي يكون أمانها وحمايتها يصونها ويخاف عليها ويغير عليها يكون جنبها في الحزن قبل الفرح وميشوفش غيرها في الدنيا...

في الزمن دا بقا المواصفات دي بقت صعبة أوي لأننا بقينا في زمن كلوا بيخون كلوا وكلوا بيلعب على كلوا، بقا كلوا شايف الحب اللي بجد هبل وإنه مفيش حب أصلا وإنه مفيش أحلى من السنجلة بس جوا كل واحد فينا مهما خبى أمنية مدفونة شايلة حب الدنيا كله لشخص نفسنا نقابله...

وفي ناس لما تلاقي الحب بتبقى خايفة ومش مطمنة لدرجة إنها ممكن تضيعه وتفضل بعد كده تندم عليه...

نصيحة لو لقيت الحب اللي في خيالك الحب، اللي بجد أمسك فيه بكل ما فيك، وأوعى تسيبه يروح منك أبدًا لأنك لو حسبت حياتك هتلاقي إن حبة الفرحة والحب اللي بنحسهم هما دول اللي بيصبرونا على الحياة عشان كده أوعوا تنسوا الحب في... زمن الأحلام.

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا
المصدر : نقلًا عن وكالات أنباء

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )