اهم الأخبار:

آكتب

نور المصري يكتب : فارس زمانه

حريتنا - نور المصري يكتب  : فارس زمانه

 

الفارس_ الفارس زمان كان هو الشخص اللي بيحارب ويرجع حقوق ويحرر أراضي ويقاوم أي عدو لكن، فى زمانا ده الفارس بقى معنى، بقى فكرة جوانا وبندور عليها لأنها بقت عملة نادرة وصعب تلاقيها في الزمن دا مع أن في الزمن دا الفارس مش محتاج يحارب هو بس محتاج يفهم يعنى إيه فارس؟!..

الراجل اللي يصون حبيبته ويخاف عليها ويغير عليها ويبقى دايمًا جنبها ويحميها ..فارس...

الراجل اللي يبقى دايمًا فاكر ربنا و قريب منه ومهما بعد يرجعله ..فارس...

الراجل اللي ينحت في الصخر ويتعب عشان يوصل لحلمه ومهما قابل في الحياة ميوقفش.. فارس...

الراجل اللي لما يقرر يفتح بيت يتحمل مسئوليته ومسئولية أسرته ويعيش العمر عشان بس يشوفهم مبسوطين.. فارس...

الراجل اللي يشيل والده ووالدته فوق دماغه ويفضل فاكر جميلهم عليه و إنهم وصلوه لحاجة كبيرة فارس...

كل دول فرسان، وكل دول رجالة بجد يستحقوا فعلا يكونوا كده لأن الراجل مش كلمة والسلام الراجل فعل و إحساس بالمسئولية الراجل آمان وحب وحنية ومعاني كتير أوي بس مع انتشار أشباه الرجال ضاع الفارس وسطهم عشان كده مطلوب دايمًا من الراجل إنه يفضل راجل لآخر لحظة ساعتها بس هيستحق لقب... " فارس زمانه ".

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا
المصدر : نقلًا عن وكالات أنباء

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )