اهم الأخبار:

آكتب

ياسمين إسماعيل : مش فارق عندي

حريتنا - ياسمين إسماعيل : مش فارق عندي

 

وعشان بموت بطيء جوا نفسي

فاضلي تكه ..

وأعيش وحيد

سيبك من حبي ليك وقولي

كم حد قبلي حبك ؟

سيبك مني لأني

انا قلبي تاب من العتاب

سيبك من روحي وسبني

وانا لسه روحي فيك !.

لو كنت نسيت الماضي ورميته

من أول يوم انا منستش

لو كنت ضحكت في أيام ..

أنا بكيت

لوكنت بتعافر لنجاحك

صدقني انا ليك دعيت

قالولك بدعي عليك ؟

طب ازاي

اصلي بخاف !

انا خوفت فيوم أجرحك

 إزاي هدعي عليك؟

فاكر يوم ماتعبت؟! ..

مش مهم

بس بفكر تتعب

من وجعك قد ماتعبت

إن كنت مفرقش معاك

انت فرقت

ولو مكنتش حبك اﻷول

بالنسبالي كنت إنت الحب اﻷول

كنت خيالي .. وأحلامي

متفكرش فحالي ولا تحسش بالذنب

لو كان يفرق حبي من اﻷول

مكنتش أهملت

ولو كنت بتشفق

انا سلمت

ورفعت رايه نصرك وآمنت

إن الحب مبيأذيش

ولوكنت أذيت فأنا مأذيتش

ولا بأذيش ..

متخافش عليا

أو تسألهم..

ولا حتى تيجي تتطمن

علشان قلبي من ألمك تعب ..

فمتتعبهوش

وتفكره بالجرح ..

ده ماصدق الجرح يلم

يمكن مقدرتش أبطل أحب بس نسيت

وجعك ليا

وإهمالك في السؤال عليا

ووجودك كان في حبة أنانية

حتي بتنكر!

عايز إيه؟!

عايز أقولك إتوجعت؟!

طب آه صح .. مش إنت محبتش؟

ولا تقصدش ..؟!

بتسأل ليه..؟!

وزعلان علي إيه مش عملت اللي نفسك فيه ؟

بس إنسي إن قلبي يرجع ليك .. وعنيا تتوه فيهم ولما تقابلهم هتلاقيهم دبلو من ناحيتك

مبقوش زي اﻷول يلمعو ليك

مش فارق عندي غير إني نسيت ..

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا
المصدر : حريتنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )