اهم الأخبار:

آكتب

أبانوب مرجان يكتب : (قصة قصيرة) .. أصفر غامق

حريتنا - أبانوب مرجان يكتب : (قصة قصيرة) .. أصفر غامق

 

 المكان : * عيادة دكتور نفساني *

 الجلسة : * رقم خمسة *

الزمان : * بالليل قوي *

الإضاءة : * أصفر غامق*

موسيقي : * مَقْطوعة لعمر خيرت *

                           ************

- الدكتور : أيه حكايتكم بقي إنتوا الأربعة .. ؟!.

-( ع  ) : بخاف أوي من الظلم ...!

-( م ) :  بخاف أوي من الخيانة ...!

-( ر ) :  بخاف أوي من الفراق ...!

وإنت أيه بقى حكايتك ....؟!

-  أنا "خايف" ...  دايماً بخاف أكون نمرة إتنين ...

- الدكتور : طب غمض عينيك .. وإحكيلي كل اللي حصل بالتفصيل .. أنا قاعد و مش ورايا حاجة غيرك.

* أغلق "خايف" عينه وسرح ثم قال :  مش عارف " فترة صمت"..

 عارف إنت إحساس البسطرة؟! .. من سخن لساقع علي طول.. هو ده بالظبط اللي أنا عيشته.. أنا كنت حد في حالي جداً .. ماليش دعوة بحد.. مقضيها " وحدة "، وراضي بالحال، ماكنتش ماشي جمب الحيط ..أنا بنيت أحلامي جوة الحيط..  وكنت حد مهمش جداً .. معنديش هدف ولا ليا دعوة بحد.. وفجأة الناس دي ظهرت في حياتي .. خللوني أشوف اللي عمري ماشفته .. و حاسيت... حاسيت...........!.

( توفف "خايف" عن الكلام لدقائق )

 وإستكمل قائلاً : ده حتي الإحساس هما اللي عرفوني عليه .. رغم إنه جوايا بقاله سنين.. كنت بطلت أحس بالخوف .. كنت إطمنت.. " صمت ثم تحرك في المكان ذهابًا وإيابًا ".

-الدكتور : كمل أيه اللي حصل...؟.

 - خايف :  خلوني أعيش الوهم.. و بعدين حصل اللي حصل ..!.  

 

- الدكتور : إنت عندك مرض جديد إسمة " البديل ".. أعراضه واضحة أوي عليك، وهي إنك إتخانت وإتظالمت و حد فارقك.. فبالتالي بقيت نمرة إتنين..!.

- خايف : و ده أيه سببه ..؟

- الدكتور : سببة الجرح الشديد اللي إتعرضتله ..

- خايف: وياتري هيروح .. ؟!.  

- الدكتور : بص.. " مط شفتيه"، هو هيروح بس بعد وقت طويل و هيسيب أثر كبير عندك اسمه " الوجع "..!.

الدكتور : " عمر" ..!. لازم تبطل خوف.. إحنا مش قدمنا حل غير إننا نرجع  " ع م ر"، نمرة واحد ..........!!.

 


للاستماع للبث المباشر لراديو حريتنا اضغط هنا
للاشتراك في صفحتنا على الفيس بوك ومتابعة أخبارنا اضغط هنا
المصدر : حريتنا

اقرأ أيضا

تعليقات الموقع (0)

أضف تعليقك
الأسم
البريد الالكترونى
الهاتف المحمول
عنوان التعليق
التعليق
إرسال التعليق

تعليقات فيسبوك

حريتنا 2013 © جميع الحقوق محفوظة لدى موقع ( إحدى مواقع شركة LCA )