حريتنا: كريم مسعد

بعد أن رأت من دور النشر ظلماً و إجحافاً و "تنفيضاً" للكتاب الشبان، قررت الكاتبة مروة رخا مساعدة هؤلاء الكتاب و جعل مدونتها و موقعها الإلكتروني مأوي لأعمال هؤلاء الكتاب كي تخرج إلي النور.

و لو أنت كاتب بقي بجد أو شايف إن الكلام ده بيضايقك يبقي المفروض تقرأ نص الرسالة اللي كتبتها مروة رخا:

"عزيزى الكاتب الملطشة:

لو الناشر بتاعك عايز يدفعك فلوس علشان ينشر كتابك - ابتزاز أو رشوة يعنى..

مش بياخد رأيك فى أي تغيرات في النص الأصلي..

مش بياخد رأيك فى تصميم غلاف الكتاب، ومش بيرد على التليفون..

مش بيسلم الكتاب فى الميعاد اللي وعد بيه، توزيعه زفت، مش فاهم تسويق..

يوم حفل التوقيع بيختفى و بيسيبك تواجه مصيرك من غير نسخ..

مش بيبعت نسخ مجانية للصحافة ووسائل الإعلام المختصة..

ممضيك عقد مجحف لمدة خمس و سبع و عشر سنين كأنه اشتراك..

يبقى ناشر نص لبة وأنت كاتب ملطشة...
تعمل إيه؟
حاجة من اتنين:
- يا تديله الخد التانى
- يا تتصرف..."

و لأن مروة رخا إيجابية بدأت تقول للكتاب الملطشة -إزاي يتصرفوا- و ده من خلال نشر أعمال الكتاب علي مدونتها و موقعها الإلكتروني الخاص بدون مقابل و بشكل إلكتروني.